اور بھی بے حساب و بے شمار کتب امام احمد رضا آپ کے ایک عظیم عالم دین ھونے کا بین ثبوت پیش کر رھی ھیں۔مثلا منبہ المنیہ بوصول الحبیب الی العرش والرویہ۔نامی رسالہ میں امام احمد رضا خاں فاضل بر یلوی نے ۔سائل کے ایک سوال ،معراج النبی صلی اللہ علیہ وسلم کو روحانی ھوئی یا جسمانی؟اوررویت باری تعالی ثابت ھے کہ نہیں؟مذکورہ بالا دونوں سوالوں کے جواب میں امام احمد رضا نے قرآن وحدیث،اجماع امت،اقوال ائمہ مجتہدین اورتحقیقات محدیثین کرام سے ثابت کیا کہ۔ ۔ ۔ معراج النبی صلی اللہ علیہ وسلم جسم وجسمانیت کے ساتھ ہوئی ہےمعا دیدار الہی عزوجل بھی ثابت ومستحکم ہے۔قرآن مقدس کی بے شمار آیات واحادیث رسول صلی اللہ علیہ وسلم کے مقدس ذخیروں سے معراج النبی صلی اللہ علیہ وسلم کا ثبوت مندرجہ بالا کتاب میں لائق مطا لعہ ہے۔مطالعہ کریں اور ایمان وعقیدے کو مزید پختہ کریں۔ اور ایک کتاب مستطاب بنام ۔انوار الانتباہ بحل نداۓ یا رسول اللہ صلی اللہ علیہ وسلم ۔میں امام احمد رضا نے اپنی عالمانہ شان وبان ،اپنی عظیم عالمانہ تحقیق کے ذریعے"یاحرف ندا کے ذریعے رسول اعظم علیہ التحیتہ والثنا کو پکارنےکو جائز قرار دیا ھے۔وحی متلو،اوروحی غیرمتلو، دونوں سے اثبات کا ایک بحر نا پیدا کنار بہا دیا ہے۔جس کا جواب دینےکی مخالفین میں طاقت و قوت کہاں۔۔ امام احمد رضاخاں فاضل بریلوی رضی اللہ تعالی عنہ یقینا امت مسلمہ کی ہدایت ورہنمائی کے لئےمنتخب بارگاہ الہی تھے۔اسی لئےتو ان کو اس صدی یعنی چودھویں صدی کا مجدداعظم بنا کر بھیجا گیا۔منصب مجددیت کو آپ نے بحسن وخوبی انجام دیا۔تمام مراسم اہل سنت کو قرآن وحدیث والی استدلالی زبان عطا کی۔اور دو سو سے زائد علوم وفنون میں مہارت تامہ ودسترس کاملہ رکھتے ھوئے اس امت رسول اعظم صلی اللہ علیہ وسلم کوایک ہزار سے زائد عظیم وعالمانہ بحث وتمحیص سے پر کتابیں دے گئے۔لیکن ایک عظیم عالم دین ھونے کا تعارف عندالناس آج تک کما حقہ نھیں ھو سکا ضرورت ھے کہ چودویں صدی کے مجدد،مجدداعظم امام احمد رضاخاں فاضل بریلوی رضی اللہ تعالی عنہ کی ذات ستودہ والا صفات کا تعارف ان کی شان کے لائق اکناف عالم میں کیا جائے۔ ایک عظیم عالم دین وہی شخص ہو سکتا ہے جس کی نگاہ دین اسلام کے ہر گوشہ ونکات پرہوتی ہو۔امام احمد رضا خاںفاضل بریلوی رضی اللہ تعالی عنہ کو اسلام کے تمام ارکان کی معلومات وآگہی پر پورےطور سےعبوریت حاصل تھی۔یھی وجہ ہے کہ آپ کی تمام تصانیف میں دلائل و براہین کے انبار نظر آتے ہیں۔جودور حاضر میں ہر مفتی کے لئےمآخذ ومراجع کی حیثیت رکھتی ہیں۔اورآج تمام مدارس اہل سنت میں آپ کے فتاووں کا مجموعہ ،اسلامی انسائیکلوپیڈیا،خصوصا فقہ حنفی کامواد عظیم۔ ۔ ۔العطایاالنبویہ فی الفتاوی الرضویہ۔کاموجود ھونا امام احمد رضا کے ایک عظیم عالم دین ھونے کا بین ثبوت ہے۔اوریہ عقیدت مندآنہ اظہار نہیں ہے بلکہ حقیقت بیانی ھی ہے کہ آج دنیا کے تقریباتمام دارالافتاء،فتاوی رضویہ کو آپنے پاس رکھنے میں فخر محسوس کرتے ہیں۔ نیز امام احمد رضا خاں محدث بریلوی کے زمانے میں ایک سر پھرا منجم البرٹ ایف پورٹا نے یہ دعوی غلط کیا کہ فلاں تاریخ کو پوری دنیا میں ھولناکی بپا ہو جائے گی امام احمد رضا خاں نےالبرٹ کے ردمیں ایک عظیم کتاب بنام۔ ۔ ۔ معین مبین بہر دور شمس وسکون زمین۔ ۔ ۔ تصنیف فرمائی۔